Umthetho oqondane lokulungisisa ukusebenza kwebhanga elikhulu lelizwe i Reserve Bank of Zimbabwe Ammendment Bill wamukelwe lidale lephalamende ulenguquko ethize kuwo. Inguquko emthethweni lo ibekhona ngemva kokuvumelana phakathi kwamabandla e MDC lele ZANU PF.
Ngaphambilini ibandla le ZANU PF belikhanya liphikisa inguquko le lisithi ijonge ukususa amandla kusibalukhulu webhanga leli Umnumzana Gedion Gono.
Kunjalo nje ukwamukelwa komthetho lo lidale lephalamende kutsho ukuthi usuzadluliselwa phambili kudale lesenate.
UMnumzana Edward Mkhosi ngu Chief Whip wedale lephalamende kucele le MDC elikhokhelwa nguMnumzana Arthur Mutambara.
UMkhosi uchasisa inguquko eyenziwe emthethweni lo.
