Ukuthethwa kwecala lesiphathamandla secele le MDC elikhokhelwa nguMnu. Morgan Tsvangirai, uSenator Roy Bennett, elokuzama ukugenqula umbuso ka mongameli Robert Mugabe, kuqhubekele phambili lamuhla emthethwandaba waphezulu eHarare, njalo ipholisa okuyilo elalidingisisa ngaloludaba lapha ubufakazi.
UMnu Sipho James Makone, oqale ukupha ubufakazi izolo, njalo onguye obehlosisa udaba luka Bennett ubikwa ephe ubufakazi obuphikisanayo, ezama ukuchasisa akufumeneyo, okungabe kukhomba ukuthi u Bennett walenza lelicala. Ukuthethwa kwalelicala sokuzaqhubeka ngolwesine kuyonale ivili.
Umsekeli wesikhulumi secele le MDC elikhokhelwa nguMnu. Morgan Tsvanigirai, uNkosazana Thabitha Khumalo, utshele uSithandekile Mhlanga we studio 7 ukuthi kusobala ukuthi icala li ka Mnu. Bennett ngelokubunjelwa, njengawo wonke amacala etheswa amalunga abo.
