Ibandla le ZANU PF libikwa lokhu lisadingisisa ukuthi ozathatha isikhundla sika muyi uMnu. Joseph Msika, esokuba ngumsekeli ka mongameli ngubani, njalo kukhangelelwe ukuthi amabizo abakhethwe yizigaba zelizwe ezitshiyeneyo, abe esekhona ngeviki ezayo, andubana kukhethwe oyedwa ozathatha lesisikhundla.
Asebetshengise ukuthi bayasikhwabitha lesisikhundla, ngababeyiziphathamandla ze PF ZAPU, ize imanyane le ZANU PF ngesivumelwano se Unity Accord ngo 1986, ezigoqela, oMnu. John Nkomo, Obert Mpofu, Naison Khutshwekhaya Ndlovu, Cain Mathema, kanye lo Ambrose Mutinhiri. UNkomo ubikwa enguye okhanya esesekelwe ngabanengi.
USithandekile Mhlanga we studio 7 uxoxe lo Mnu. Moses Mzila Ndlovu, ongomunye wabalwa impi yenkululeko ekuvuyo le ZIPRA, oseyisiphathamandla secele le MDC elikhokhelwa nguMnu. Arthur Mutambara, ukuze sizwe imbono yakhe ngaloludaba.
