Uhulumende weZimbabwe usezama ukuzivikela kudaba lokuxotsha kwakhe elizweni isikhonzi se United Nations uMnumzana Manfred Nowak ebesizohlola umumo wezelungelo loluntu, ngemva kokunxuswa kwaso nguhulumende.
Umphathintambo obona ngezobudlelwano lamanye amazwe uMnumzana Simbarashe Mumbengegwi uthe injongo yohambo luka Nowak ibingeyo kufuna ukuxhopha uhulumende weZimbabwe. UMnumzana Nowak waziswe ukuthi angasabuyi kweleZimbabwe esefike kwele South Africa ekuqaleni kwayonale iviki.
Iinhloko kahulumende uMnumzana Morgan Tsvangirai unxuse u Nowak ukuthi aze elizweni abe yisethekeli sakhe, kodwa uNowak ubuyiselweemuva esefike egcekeni lendizamtshina e Harare. ekhuluma lalumsakazo uNowak uthe uzakhweza udaba lokuvinjwa kwakhe ukwethekelela kwele Zimbabwe kunhlanganiso yeUnited nations Human Rights Council. UNowak ufike kwele Austria namhla.
UMnumzana Walter Nsununguli Mbongolwane yingcwethi ecubungula ezombusazwe. UMbongolwane utshele uBrenda Moyo weStudio 7 ukuthiuhulumende weZimbabwe nguye ofuna ukuxhophana lenhlanganiso ye United Nations.
