Icele le MDC
elikhokhelwa nguMnu. Morgan Tsvangirai lithi selizaqala ukwazisa uzulu elizweni
jikelele ngesinqumo elisithetheyo sokuphuma ku Cabinet.
Icele leli belivele lisenza imihlangano ezigabeni ezehlukeneyo zelizwe, lapho amaqembu akhokhelwa ngamalunga eStanding Committee, abekhulumisana labantu ngokuthi kwenziweni ngokungakalungiswa kuhulumende womanyano.
UNkosazana Thabitha Khumalo, umsekeli wesikhulumi salelicele, utshele uSithandekile Mhlanga we Studio 7 ukuthi amaqembu la asezabazisa ngokusanda kwenzakala, ukwenzela ukuthi behlale bekwazi izizatho zesinqumo abasithetheyo.
