Ikhomidi ebona ngokufezwa kwezivumelwana zikahulumende womanyano, iJOMIC lamuhla ibisenkabazwe ihlolisisa ngomumo wemapulazini. Kodwa loluhlelo aluhamba kuhle ngoba usibalukhulu wesigaba seJidlands, uJnu. Jason Machaya ubikwa ethumele amapholisa lezinye iziphathamandla zeZanu PF ukuthi zihambe lequla leJOMIC emapulazini.
UMachaya laye obekhona engaxuswanga ubikwa etshele leliqula ukuthi ufuna bebekhona ngoba abantu abasemapulazini belakho ukuqamba amanga. Ingcwethi ecubungula ezombusazwe, uMnu. Immanuel Hlabangana utshele uChris Gande weStudio 7 ukuthi akukhathalekile ukuthi uhlelo lweJOMIC lolu luphumelele kumbe hatshi ngoba kungasoze kwaguqula lutho emapulazini.
