Ababalisi bananze ilanga lamalungelo abo, ele World Teachers' Day e Harare, Hwange, Beitbridge, lako Bulawayo, lapho abakhonone ngokuthi uhulumende kabananzi ngoba engabangezeleli iholo, osokubangele ukubhidlika kwezemfundo elizweni.
Inhlanganiso ye Progressive Teachers' Union of Zimbabwe,(PTUZ), eyiyo eqoqe lumkhosi, ithi ngowokucina kulandela obuse Masvingo , Chinhoyi le Mutare ngoMvulo odluleyo, okuyilo ilanga umkhosi lo onanzwa ngalo mnyaka yonke ngokusemthethweni.
UMnu. Enock Paradzai, isiphathamandla se PTUZ, obese Beitbridge, uchasisele uSithandekile Mhlanga we studio 7 ukuthi bawuqhube njani lumkhosi.
