Amapholisa abikwa esithi kulomuntu owesatshelwa ukuthi engabe efile kulandela ukuwela emhomeni wempopoma zamanzi eVictoria Falls, kuhlangothi lwe zambia, ezama ukunceda isethekeli ebesesisehluleka ukuphuma emanzini.
Kubikwa owesilisa lo ubekhokhela iqula lezethekeli ebezivelela kwele South Africa lisiyazithokozisa, njalo zathanda ukuyantsheza endaweni ebizwa ngokuthi yi Devil’s Pond, eyindawo eyingozi. Inengi lezethekeli, ikakhulu ezimhlophe, zijwayele ukwenza imidlalo ethize, eminye ebukeka iyingozi eyesabekayo endaweni ezitshiyeneyo zomfula uZambezi, ngendlela yokuzithokozisa.
UMnu. Thembinkosi Sibindi, owayemgu Mayor we Victoria Falls, utshele uSithandekile Mhlanga westudio 7 ukuthi kulekomidi elamalunga kahulumende we Zambia lowe Zimbabwe, eyayikhangela okutshiyeneyo, okugoqela imizamo yokuvikela ingozi kulindawo.
