Uhulumende we Australia uthi uzimisele ukuyekethisa kancane izijeziso ezifakelwe eleZimbabwe, ngokusungula inkulumo labaphathintambo bakahulumende womanyano, ngesikhathi luhulumende esenelise umnyaka ebunjiwe.
Umphathintambo wele Australia obona ngobudlelwano lamanye amazwe uMnumzana Stephen Smith wethule umbiko wokuthi ilizwe lakhe lizaqala ukukhulumisana labaphathintambo bakahulumende ngemva kweminyaka eyisikhombisa uhulumende wakhe engakwenzi lokhu.
U Smith uthi lokhu kulandela uhambo lwequla le European Union ebelise Zimbabwe ekupheleni kweviki elithi ubudlelwano balo leZimbabwe sobuthuthuke bafika kwesinye isibanga esingcono.
Kodwa uhulumende we Australia uthi kazukwesula izijeziso ezifakelwe uMongameli Robert Mugabe labanye bakhe kubandla le ZANU PF, labezamabhizimisi abalobudlelwano leZANU PF.
Ukuze sizwe ukuthi inyathelo eselithethwe yi Australia leli litshoni sibi sibili, sixhume ingcwethi ecubungula ezombusazwe uMnumzana Mqondobanzi Magonya othi uhulumende we Australia ufuna ukuqhubeka ekhulumisana labe bandla le MDC asebekuhulumende womanyano.
Ezinye Indaba ZeStudio7...
