Inkampani yamaphephandaba kahulumende iZimbabwe Newspapers Group isiyethule iphephandaba elitsha eliqale ukuphuma izolo elithiwa yi Harare Metro kumbe H-Metro. iphephandaba leli ngelansuku zonke.
Lokhu kusolwe kakhulu zinhlanganiso ezizimeleyo ezifana le MISA Zimbabwe kanye labamaphephandaba azimeleyo abanye babo akade bamelela ukuphiwa amalicence amaphephandaba. Abanye asebemelele phose okwenyanga eziyisithupha ukunikwa amalicence ngabe Zimbabwe Independent newspapers , Financial gazette, labanye.
Imisa Zimbabwe isola ugatsha lukahulumende olubona ngezokwethulwa kwemibiko elizweni isithi ukwenza kwalo kutshengisa ukuthi elizweni kulemithetho esetshenziswa kwabanye, ingasetshenziswa kwabanye. Esethula iphephandaba elitsha leli umphathintambo obona ngezokwethulwa kwemibiko uMnumzana Webster Shamu uthe akudingakali ukuthi abamaphephandaba kahulumende abavele belamaphephandaba, banikwe ama licence.
Sixhume umgcinisihlalo we MISA Zimbabwe uMnumzana Loughty Dube othi abantu beZimbabwe vele kabathakazeleli amaphepha kahulumende ngoba engakhulumi iqiniso.
