Izifundi zamakolitshi amakhulu lama university elizweni ebezithe azizukuya ezifundweni kusasa zivulwa seziguqule umcabango ngemva komhlangano eziwenze lomphathintambo obona ngezemfundo yaphezulu uMnumzana Stan Mudenge.
Izifundi ezingamalunga enhlanganiso ye ZINASU zitshengisele ngokuthula namhla edolobheni leHarare zikhonona ngokuqonga kwemali osokumele ziyibhadale emakolitshini la, esukela kumadollar Emelika edlula kancane alikhulu-$120.00 isiya kwedlula kancane inkulungwane-$1,200.00, lokunye okuhluphayo.
Umqondisi wenhlanganiso yeZINASU uBrilliant Dube utshele lumsakazo ukuthi uMudenge uthembise izifundi ukuthi azisoze zixotshelwe ukungabhadali ama fees, ngakhoke izifundi sezikhuthazwa ukuya ezifundweni kusasa.
Sixhume obona ngokuqhutshwa kwenhlelo ze ZINASU uMnumzana Mfundo Mlilo othi izifundi zifuna njalo ukutholiswa ama student loans.
