Ibandla leMDC lithi kulelunga lalebandla elitshaywe lahlukuluzwa kabuhlungu ngamasotsha edolobheni leShurugwi lafa kuviki edluleyo. UGodknows Dzoro Mtshakazi ubikwa ubedlala ingoma ethiwa Nharembozha – Cellphone ebhawa eMufiri Business Centre lapho atshaywe ngamasotsha aqale asukela wonke umuntu obesebhawa le basebesuka laye baya enkambeni yabo lapho abamtshise umzimba wonke ngamaplastiki amgela inwele ngamasotsha la amtshiya eselimele okwesabekayo emethesa icala lokukhuthaza udlakela ngokudlala lingoma. IMDC ithi umtshakazi wafela emzini wakhe.
Ngeviki edluleyo ibandla leMDC lazise njalo ukuthi umsekeli walo, uJoseph Munyukwi utshaywe ngabasakhulayo bebandla leZanu PF wayafela esibhedlela se Masvingo Hospital. Umqondisi obona ngezokhetho kucele leMDC elikhokhelwa nguMnumzana Morgan Tsvangirai, esigabeni seNkabazwe, uMnumzana Obert Ncube utshele uChris Gande weStudio 7 ukuthi isotsha elalikhokhela ukutshaywa kuka Mtshakazi labotshwa ngamapholisa.
