Ukukhalalwa komsebenzi ngababalisi
kungene kulanga lesibili lamhlanje abanye ababalisi koBulawayo besetheswa umlandu
wokwengeza ngesilinganiso esesabekayo imali yokufundisa abantwana emizini yabo.
UMasauso Banda uyasipha loludaba.
Kubikwa sokuqhamuke ukudonselana phakathi kwenkokheli yenhlanganiso ye Progressive Teachers' Union of Zimbabwe, iPTUZ, lamalunga ayo wona afuna ukuthi kukhalalwe umsebenzi njengalokhu okwenziwe yinhlanganiso ye Zimbabwe Teachers' Association.
Isiphathamandla salinhlanganiso, uMnu. Enock Paradzai, utshele istudio 7 ukuthi lokhu sokubangele ukuthi inkokheli yalinhlanganiso inxuse njalo iziphathamandla zikahulumende ezigoqela umphathintambo obona ngezemfundo lemidlalo, uMnu. David Coltart, kanye lobona ngezemali uMnu. Tendai Biti emhlanganweni abazaba lawo kusasa ohlaziya udaba lokwengezelelwa iholo.
USithandekile Mhlanga we studio 7 uxoxe lo Mnu. Roderick Fayayo, umqondisi we nhlanganiso elwela amalungelo ezakhamizi eye Bulawayo Progressive Residents Association, yena othi bazaqoqa owabo umhlangano lohulumende bemkhuthaza ukuthi ahlolisise udaba lweholo lababalisi.
