Inhlanganiso ezimela amalungelo ababalisi ezigoqela i Progressive Teachers' Union of Zimbabwe, PTUZ, le Teachers' Union of Zimbabwe, TUZ, ziphakathi komhlangano leziphathamandla zikahulumende lamhla eHarare, owokuxazulula udaba lokwengezelelwa iholo.
Iziphathamandla zikahulumende ezikulumhlangano zigoqela umphathintambo obona ngezemfundo lemidlalo, uMnumzana David Coltart lompathintambo obona ngezemali uMnu. Tendai Biti. Kodwa enye inhlanganiso yababalisi enkulu, eye ZIMTA, yona eyazise ukuthi ikhalala umsebenzi ngeviki edluleyo ayikho kulumhlangano.
Inhlanganiso le ithi ayilugxobi kusasa ezikolo lapho zivulwa kukanti eye PTUZ yona ithi izaqhuba umsebenzi. Isiphathamandla seZIMTA, uMnu. Sifiso Ndlovu, usichasisela ukuthi kungani bengasayanga kulumhlangano bona banxuswa.
