Umthethwandaba kamantshi unikeze umsekeli kaMpathintambo wezabatsha kuhulumende womanyano, uMnu. Thamsanqa Mahlangu imvumo yokuhlawula imali yesibambiso i bail kodwa uzaqubekela phambili evalelwe kulandela isicelo sabatshutshisi emthethwandaba sokuba bedlulisele udaba lwesicelo sakhe phambili. Intathelizindaba yethu u Mark Peter Nthambe usethulela loludaba.
Elinye njalo ilunga ledale lephalamende lecele leMDC elikhokhelwa nguMnu. Morgan Tsvangirai, uMnu. Stewart Garadhi ubotshiwe lamuhla. UGaradi, omela iChinhoyi edaleni le The House, wetheswa icala lokudlala ingoma ethiwa nharembozha okuthiwa igcona uMongameli Mugabe.
Kunjalo nje, igqwetha lomeli we Nkulumane edaleni leli, obotshwe ngoLwesibili esetheswa icala lokuntshontsha umakhalekhukwini, uMnu. Charles Kwaramba uthi usezaqala ukuphikisa udaba lokuhlawuliswa kukaMnu. Mahlangu imali ngumkhokheli wama war vets, umnu. Joseph Chinotimba othi walahlekelwa yiyo ngokutshontshwa kukamakhalekhukwini lo. UMnu. Chinotimba uthi uMahlangu kumele amhlawule ius$19 million.
Ingcwethi ecubungula ezombusazwe, uMnu. Walter Nsununguli Mbongolwane utshele uChris Gande weStudio 7 ukuthi inani lamacala etheswa amalunga edale lephalamende angawe MDC selisesabeka.
