Inengi labantu lithi kufanele uhulumende enanzelele ukuthi uhlelo lwakhe lokudinga ukuxolelana elizweni olweNational Healing aluthunuki amanxeba abantu ngamandla ngokululaza okwabehlelayo ngesikhathi sodlakela oluqhamuke kukhankaselwa ukhetho lokudinga uMongameli lamalunga edale lephalamende nyakenye.
Uhlelo lolu lubikwa luzagoqela lalabo abahlukuluzeka kusukela ilizwe lithola uzibuse ngo 1980.
Ukuhlaziya ukuthi uhlelo lolu kumele luqhutshwe njani, uSithandekile Mhlanga uxoxe lo Mnu Max Mnkandla, okhokhela inhlanganiso yeZimbabwe Liberators' Peace Initiative endawonye loMnu Felix Mafa, umqondisi wenhlanganiso yePost Independence Survivors’ Trust oyisiphathamandla seMDC ekhokhelwa nguMn Morgan Tsvangirai.
