Ababalisi lokhu begcizelela ukuthi kabavumi iholo abalengezelelwe nguhulumende ngoba lincinyane kakhulu. ababalisi, abakade bethola ikhulu lamadollar emelika-us$100.00 sebehola phakathi kwekhulu lamakhulu amabili amadollar emelika- $100 -$200 kulandela ukwengezelelwa kwabo iholo nguhulumende kuyonale iviki.
Inhlanganiso ebona ngamalungelo ababalisi eye Progressive Teachers' Union of Zimbabwe(PTUZ), ithi amalunga ayo azaqhubeka ekhalala umsebenzi ngolwesihlanu viki zonke, emadolobheni lemaphandleni, ngendlela yokutshengisela ukungathokozi ngeholo leli.
Eye Zimbabwe Teachers' Association (ZIMTA) yona ithi ayisoze itshengisele lanxa layo ingalamukeli leliholo, kodwa izaqala izame ukukhulumisana lohulumende, kungehlula ibisitshengisela.
UMnu. Sifiso Ndlovu, isiphathamandla se ZIMTA, utshele usithandekile mhlanga we studio 7 ukuthi lapho abazatshengisela khona kuzanyikinyeka umhlaba njalo uhulumende uzalalela.
