Ibandla le M-D-C elikhokhelwa nguMnumzana Arthur Mutambara lithi ukuxotsha elikwenze amalunga edale lephalamende amathathu lomunye kuzaliqinisa hatshi ukulibhidliza njengalokho okucatshangwa ngabanye.
Abaxotshiweyo nguMnumzana Norman Mpofu omela i Bulilima East, uMnumzana Njabuliso Mguni omela i Lupane East, uMnumzana Abednico Bhebhe owe Nkayi South lelinye ilunga lebandla uMnumzana Alex Goosen.
Ibandla leli lithi laba baxotshelwe ukuzama ukubhidliza lelibandla, udaba abalulandulayo bona abaxotshiweyo. Sikhulume lomsekeli wesikhulumi sebandla uMnumzana Renson Gasela othi okwenzakale kubandla lakhe kutshengisa ukuthi lelibandla alimeli bubi.
Kunjalo nje ibandla leZAPU elisanda kuvuselelwa lithi lizimisele ukungena kukhetho lwama by-election ezigabeni ezintathu ezithi Buliima East, Lupane East leNkayi South lapho okuxotshwe khona amalunga edale lephalamende ebandla lika Mutambara. Sixhume uMnumzana Methuseli Moyo isikhulumeli sebandla leZAPU.
