Abakhokheli bamabandla amathathu abumba uhulumende womanyano abathi uMongameli Robert Mugage, inhloko kahulumende uMnu Morgan Tsvangirai lomsekeli wakhe uMnu Arthur Mutambara bazamanyana mhlaka 24 kuyonale inyanga bekhuthaza ukubambana phakathi kwamabandla abo.
Uhlelo lokukhuthaza ukuthula elizweni lolu luzaqala mhlaka 24 luphele mhlaka 26. Uhulumende sefake loluhlelo kugwalo lwakhe lwe Government Gazzette njalo uthi ukhuthaza uzulu jikelele ukuthi akhulekele ukuthula lokubambana, kuqedwe ukungezwani okukhona kwezombusazwe.
Ingcwethi ecubungula ezombusazwe uDokotela Themba Dlodlo uthi yinto eqakathekileyo ukuthi amabandla ezombusazwe emanyane ekusoleni udlakela, kodwa uthi kaboni ukuthi uMongameli Mugabe uzimisele ngempela ukuqeda udlakela.
