Umthethwandaba kamantshi uthe uzanquma ngolweSibili ukuthi
amapholisa etheswa umlandu wokutshaya kabuhlungu amalunga amane enhlanganiso ye
WOZA abotshwe etshengisela ngenyanga edluleyo eHarare kufanele ethonisiswe
lelicala kumbe hatshi.
Umantshi wesule icala eletheswe abane laba wathi akulabufakazi obeneleyo obukhomba ukuthi baphazamise ukuthula ngalesosikhathi betshengisela, kodwa igqwetha labo, uNkosikazi Beatrice Mthethwa ligcizelele ukuthi kukhulunywe ngochuku lwamapholisa ngoba yikho abakukhalazayo.
UNkosazana Magodonga Mahlangu, isiphathamandla se WOZA, laye ozamiswa phambi komthethwandaba kusasa lomunye wakhe uNkosikazi Jenni Williams ngecala lanyakenye, utshele uSithandekile Mhlanga we Studio 7 ukuthi uthemba udaba lochuku lwamapholisa luzahlafunwa ngoba lungayekelwa, azaqhubeka etshaya abantu mahlayana lanxa betshengisela ngokuthula.
