Laloba kulemibiko ethi umphathintambo wezemali uMnumzana Tendai Biti ulandule ukuthi iZimbabwe ithole isikwelede se US$950 million evela kwele China, ihofisi yenhloko kahulumende uMnumzana Morgan Tsvangirai ithi imali le ikhona engekho ngeyinye i US$5 billion okuthiwa layo ivela eChina.
Imibiko yokuthi uhulumende weZimbabwe uthole i US$5 billion kwele China, ukuthi abamankampani alelo lizwe athathe ezenjiwayo elizweni yethulwe liphephandaba leZimbabwe Independent ngolweSihlanu. Kodwa ihofisi kaTsvangirai ithi la ngamanga aluhlaza tshoko.
UBrenda Moyo weStudio 7 ukhulume lomphathintambo emahofisini kaTsvangirai uMnumzana Gorden Moyo oqinisa ukuthi ilizwe litholile isikwelede se US$950 million esivela kwele China.
