Inhlanganiso ye International Organisation for Migration i I-O-M isisungule uhlelo lokuphathisa abasebenza kwezempilakahle asebaphuma elizweni ukuthi babuyele ukuyasebenza okwesikhatshana, ngenjongo yokuvuselela ezempilakahle ekade zabhidlika elizweni.
Inhlanganiso le inxusa odokotela, abongi, abababalisi bezempilakhale labanye ukuthi babuyele eZimbabwe ukuyasebenza okwamaviki amabili. Uhlelo lolu luthiwa Temporary Return of Health Proffessionals to Zimbabwe. I I-O-M ithi izaphathisa labo abafuna ukungena kuhlelo lwabo ngemali yamatikiti endizamtshina, ukubadingela ingwalo zokusebenza, imali yokusebenzisa umuntu eseZimbabwe lokunye.
Sikhulume lodokotela Samukeliso Dube othi laye ngomunye wabafuna ukungena kuloluhlelo, esithi luzaphathisa khakhulu ukuvuselela ezempilakahle kodwa kulezikhubekiso ezimbalwa.
