Uhlelo lokudinga imbono kazulu mayelana ngokumele kuqukethwe yisisekelo sombuso esitsha, oluqhutshwa yikomidi yamalunga edale lephalamande, luqhubekela phambili endaweni ezitshiyeneyo zelizwe.
UMongameli Robert Mugabe uveze izolo ukuthi isisekelo sombuso esilotshwe yiMDC leZanu PF iKariba Draft, sizasetshenziswa njengomzekeliso ekulobeni isisekelo sombuso esitsha. Lokhu yinto ephikiswa nguzulu kanye lebandla leMDC.
Ukuhlaziya
insumansumane phezu kwendlela isisekelo lesi esimele silotshwe ngayo sixhume
umsekeli kamgcinisihlalo wenhlanganiso ekhankasela ukulotshwa kwesisekelo
sombuso esitsha uMnu George Mkhwanazi lomphathintambo obona ngezamanzi njalo
elilunga leMDC uMnu Sam Sipepa Nkomo.
UNkomo usole imbiko kaMugabe, esithi uzulu kumele aphiwe ithuba lokuthi azilobele isisekelo sombuso asifunayo.
