Ibandla leZapu elisanda vuselelwa lithi amalunga alo athwaliswe nzima esigabeni seMashonaland West. Lelibandla lithi kulelunga lalo, uMnu. John Ngulube othunjwe ngabantu abangaziwayo wasiwa enkambeni yamasotsha, i Inkomo Barracks lapho agcinwe khona okwensuku ezimbili ehlukuluzwa. Kuthi eKaroi lelibandla lithi elinye njalo ilunga lalelibandla, uMnu Never Nndlovu uhlukuluzwe ngamapholisa ensitha esetheswa amacala ambalwa angawenzanga.
Isikhulumeli salelibandla, uMnu. Methuseli Moyo, utshele uChris Gande weStudio 7 ukuthi amalunga abo akulesisigaba awalwa impi yenkululeko athenjiswe ukungaphiwa imali ephiwa abanye babo nguhulumende ngenyanga ngoba sebengamalunga alelibandla.
