Uzulu ufisa ukuthola uthuba lokuzibhalela isisekelo sombuso kungela kuqilibezelwa lokuphanjaniswa ngabezombusazwe. Lokhu kuphume emhlanganweni owenzelwe e Harare phakathi kwe komidi yedale le phalamende eqhuba lumsebenzi lamhlanje.
lokhu kwenzakala lanxa umongameli Robert Mugabe ebikwa etshele ibandla lakhe le ZANU PF lamuhla ukuthi kuzalandelwa isitshengiselo se Kariba Draft ukuloba isisekelo sombuso esitsha, khona okubikwa kungafunwa linengi labantu.
UMark Peter Nthambe usethulela loludaba
Kusenjalo, iqembu lekomidi yephalamende ebona ngokulotshwa kutsha kwesisekelo sombuso ebelise Manicaland lithi lemukelwe kuhle kulesisigaba njalo abantu batshengisele ukuthakazelela ithuba lokuthi bachasiselwe ngokuthi udaba lokulotshwa kwesisekelo esitsha sombuso luzaqhutshwa njani.
Ikomidi le, elamalunga angamathsumi amabili lanhlanu, ithi izidabule phakathi yaba ngamaqembu alamalunga amahlanu linye-ngalinye, ukuthi yethekelele indawo ezigoqela i Harare, Mashonaland West, Mashonaland East, Mashonaland Central le Manicaland lamuhla ngendlela yokudinga abantu abazaphatheka emhlanganweni omkhulu kunyanga ezayo, owama stakeholders, ozaphatha loludaba.
Ilunga lali komidi, uNkosikazi Gladys Dube, onguSenator weMabuthweni ko Bulawayo, utshele uSithandekile Mhlanga we studio 7 ukuthi bazavakatshela ezinye izigaba zelizwe ngoMgqibelo ngodaba olufanayo.
