Inhlanganiso ye Progressive Teachers Union Of Zimbabwe ithi phakathi komhlangano lomphathintambo kahulumende obona ngezemfundo uMnu. David Coltard lamuhla ntambama lapho okuhlaziywa khona udaba lweholo labo abathi liphansi kakhulu kanye lokunye okubahluphayo njengababalisi.
Umnu. Raymond Majongwe, isiphathamandla salinhlanganiso, utshele istudio 7 ngaphambilini kwalumhlangano ukuthi umbuthano lo ulandela ukudingisisa okwenziwe yinhlanganiso yakhe kumalunga ayo akuzigaba zonke zelizwe, bechasisa izikhalazo zabo.
Ungezelele wathi iPYUZ ikhala kakhulu ngokuthi iwofisi kamabhalani omkhulu wogatsha lwezemfundo, eka permanent secretary, yiyo, ebuyisela muva ukuphumelela kwenkulumo zabo loMnu. Coltard.
UMnu. Effie Dlela Ncube, ingcwethi ecubungula ezombusazwe utshele uSithandekile Mhlanga we studio 7 ukuthi kusobala ukuthi omabhalani abakhulu bayaphambanisa ukusebenza kwengatsha zikahulumende ezikhokhelwa ngamalunga e MDC njalo ababalisi kumele bakwazi ukuthi uhulumende kalamali.
