Kubikwa kuvunyelenwe emhlanganweni omkhulu wecele le MDC elikhokhelwa nguMnu. Morgan Tsvangirai, owe National Council ngempelaviki, ukuthi iphephandaba le The Herald, lomsakazo we Zimbabwe Broadcasting Co-operation kumele bethule imbiko engephuli amalungelo abanye, phansi kwezibopho sesivumelwano se Golbal Political Agreement.
Ibandla leli lithi kunengi okunye okudinga ukulungiswa ekwethulweni kwembiko. UMnu. Nhlanhla Ngwenya, isiphathamandla se Media Monitoring Project of Zimbabwe, utshele uChris Gande we Studio 7 ukuthi lokhu kubunjwe uhulumende womanyano, amaphephandaba lemisakazo kahulumende lokhu esethula imbiko elulaza inkokheli ye MDC.
