Ingcwethi kwezomthetho zithi ibandla le ZAPU liqondile ekuphumeni ku sivumelwano sika 1987 ese Unity Accord le ZANU PF ngoba kungelamthetho othi isivumelwano lesi asingeke sephulwa.
Lokhu kulandela amazwi kaMnu. Sikhanyiso Ndlovu, isiphathamandla se ZANU PF aphume kuphephandaba le The Chronicle lamuhla ethi akufanelanga amalunga e ZAPU akhuthaze labo abalokhu beku ZANU PF ukuthi bezomanyana labo, ngoba isivumelwano se Unity Accord lokhu sisebenza ngokusemthethweni.
Ibandla leli belilomhlangano omkhulu we Special Congress ngempelaviki, lapho elithethe izinqumo ezigoqela ukuthi selilwisa ukuthatha impahla i ZANU PF eyazithathela i ZAPU ngesikhathi se Gukurahundi njalo selisehlukana okweqiniso le ZANU PF, ngoba ingagcwalisi izithembiso eyazenza nge Unity Accord.
Igqwetha elimela ibandla le ZAPU, u Advocate Stephen Nkiwane utshele uSithandekile Mhlanga we studio 7 ukuthi umhlangano wempelaviki usugcizelele ukuthi iZAPU selilibandla elizimeleyo.
