Iqula lenhlanganiso ephathisa amazwe ngoncedo lwemali, iIMF, libikwa lizafika elizweni ngoMvulo ukuzaphathisa eleZimbabwe ngoncedo oluthiwa lwe technical assistance. Leliqula liza elizweni kulandela uhambo lukamphathintambo wezemali, uMnu. Tendai Biti kweleMelika edingela ilizwe uncedo lwemali.
Ngeviki edluleyo i IMF yathi lanxa ingakaqalisi ukuphathisa ilizwe leZimbabwe ngoncedo lwemali lizaphathisa ngoncedo lokulungisisa eziphathelane lenotho yelizwe ezingasomali. EleZimbabwe lacina ukuphiwa uncedo yi IMF ngomnyaka ka 1999 kulandela ukungezwani kukahulumende lalinhlanganiso phezu kwenhlelo zikahulumende zokuvuselelea umnotho welizwe.
Ingcwethi kwezenotho, uMnu. Walter Nsununguli Mbongolwane utshele uChris Gande weStudio 7 ukuthi leliqula lizohlola ukuthi uhulumende useguqule izenzo na kulandela ukubunjwa kukahulumende womanyano.
