Inhlanganiso ephathisa amazwe ngocedo lwemali, i International Monetary Fund ithi abantu abedlula okungamatshumi ayisikhombisa ekhulwini babhekane lendlala. Inhlanganiso le yethule limbiko phambilini komhlangano wayo ozenziwa lamuhla ngapha eWashington DC okhangele ukuhluzisisa udaba lweZimbabwe kulandela isicelo esenziwe ngumphathintambo wezemali, uMnu. Tendai Biti obesemelika kunsukwana ezedluleyo esizadinga uncedo lwemali.
I IMF ithi
okuzengezelela udubo lwabantu beZimbabwe ngumbuso ongakhululekanga lenhlelo
zikahulumende ezehluleka ukuthuthukisa umnotho welizwe.
UChris Gande weStudio 7 uxoxe lengcwethi kwezokulima, uMnu. Mandla Nkomo, othi mpela imbiko ye IMF iliqiniso ngoba ilizwe libhekane lobunzima lanxa izulu line kuhle lumnyaka.
