Inhlanganiso eziphathisa ngoncedo ezigoqela i UNICEF, CIDA lezinye zithembise ukusa izikhalazo zababalisi kunobhala jikelele we United Nations uMnumzana Ban Ki Moon. Isithembiso lesi senziwe emhlanganweni owenziwe ngumphathintambo wezemfundo uSenator David Coltart lenhlanganiso zababalisi namhlanje. Injongo yalumhlangano ibingeyokuthi kudingakale indlela inhlanganiso ezipha uncedo ezingaphathisa ababalisi ngazo.
Ababalisi bebesithi abazubuyela ezikolo uma zivulwa kusasa. Okuvele sobala emhlanganweni lo yikuthi lazo inhlanganiso lezi zithi azilamali.
UBrenda Moyo weStudio 7 ukhulume lonobhala jikelele we Zimbabwe Teachers Association –ZIMTA uMnumzana Richard Gundane othi ababalisi sebezakutsho ukuthi bayaphindela na emsebenzini kusasa kumbe hatshi.
Kunjalo nje eyinye inhlanganiso yababablisi i Progressive Teachers Union of Zimbabwe –PTUZ ithi ngezithembiso ezincinyane eziphume emhlanganweni wanamhlanje sokunzima ukuthi bengabuyeli ezikolo kusasa.
UBrenda Moyo uphinde wakhuluma loMnumzana Enock Paradzai obona ngokuqhutshwa kwenhlelo zalinhlangansio esigabeni seleMandebeleni othi ababalisi bemukele ngenjabulo udaba lokuthi bengasabhadaleli abantwababo ischool fees.
