Ezinye inhlanganiso ezizimeleyo
zithi kuyenzakala ukulungisa isisekelo sombuso esitsha esilomsoco noma nje
umsebenzi onje ukhokhelwa yikhomidi ye dale le palamende okuyindlela ephikiswa yimhlanganiso
ye National Constitutional Assembly NCA. UMnumzana Masimba Kuchera
wenhlanganiso yomanyano lezifundi eye Student Solidarity Trust uthi ukubhalwa
kwesisekelo sombuso kuyinto eqakathekileyo okumele ama Zimbabwe ayamukele
ngezandla ezimbili.
Uthe njengezifundi bafuna ukubona
amalungelo aqakathekileyo athiwa ngama Second Generatiion Rights afana
lelungelo lokuthola infundo, ilungelo lokuthola inhlalakahle, amanzi lokunye
okunjalo kubhalwa ku sigaba samalungelo kusisekelo okuthiwa yi Bill of Rights
ngoba kungekho okwamanje kusisekelo esikhona kuleli.
Uthe lokhu kuzenza ukuba nxa uhulumende engehluleka ukutholisa abantwana infundo kuleli ahanjiswe emthethwandaba kulolodaba.
