Umphathintambo obona ngezemali uMnumzana Tendai Biti uthi kulamabhanga amakhulu e Africa le Europe asethembise ukukweledisa eleZimbabwe imali. Ekhuluma lentathelizindaba eHarare uBiti kazange awaveze amabhanga la ukuthi yiwaphi. UBiti usevusa njalo ukusetshenziswa kwe Zimswitch lama RTGS okusebenza ngemali yakwamanye amazwe, inyathelo elamukelwe ngenjabulo ngabanengi.
Kodwa ingcwethi kwezenotho uMnumzana Rejoice Ngwenya utshele uBrenda Moyo weStudio 7 ukuthi inguquko eyenziwa nguBiti kwezenotho inhle esithi angavumelani lakho yikulethwa kwama RTGS ayevele enzelwe ukuthi abantu bangathwali amaqhubaqhuba emali yeZimbabwe.
