Iqula labosomabhizimusi bakwele South Africa liselizweni lapho elikhangelelwe ukuzocanda indlela zokuthuthukisa amabhizimusi ezimbabwe. Elinye iqula elenkampani ye mvelaphanda ekaMnu. Tokyo Sexwala elifike elizweni ngeviki edluleyo lalo lilokhu liselizweni ngenjongo efanayo.
Lokhu ngokwakuqala sekulokhu kwabunjwa uhulumende womanyano ukuthi kuze iqula elifana lalelo elizweni. Leliqula lihlangane lenkokheli zikahulumende womanyano ezigoqela umphathintambo wezemali, umnu. Tendayi Biti, umphathintambo wezamafekitali, uMnu. Welshman Ncube lomphathintambo wezenhlelo zokuthuthiksa umnotho welizwe, uMnu. Elton Mangoma.
UMangoma utshele iStudio 7 ukuthi leliqula lithi lizimisele ukuqala amabhizimusi ngokutshetsha. Ingcwethi ecubungula ezombusazwe, uMnu. Zenzo Nkomo utshele uChris Gande weStudio 7 ukuthi osomabhizimusi bakwele south africa bakhangele ngabomvu amathuba okwenza amabhzimusi kwele Zimbabwe.
