Idale lePhalamende belihlaziya impilo kamuyi owake wakhokhela ibutho, uMnu. Vitalis Zvinavashe. Amalunga ebandla leMDC lawo abikwa encome imbali kaZvinavashe esithi lanxa wayeke wathi kasoze wafa wananza uMnu. Morgan Tsvangirai watshengisela ukuba ngumuntu ofuna ukwakha lapho aze engqotshwe kukhetho lokudinga amalunga edale lephalamende wathi akumelanga impumela iphikiswe ngoba mpela unqotshiwe.
UZvinavashe wayengomunye abasola udlakela olwenziwa phambilini kokhetho lokudinga uMongameli nyakenye. Isisusa kumbe imotion yaloludaba yethulwe libandla leZanu PF. Omela isigaba se i Insiza South edaleni lephalamende, uMnu. Siyabonga Malandu Ncube utshele iStudio 7 ukuthi bamangaliswe yindlela amalunga elinye icele lemdc ancome ngayo uZvinavashe.
Kunjalo nje, ingcwethi ecubungula ezombusazwe, umnu. Jethro Mpofu uthi kulula ukuthi amalunga ecele leMDC ancome uZvinavashe ngoba bengazi ubudlwangudlwangu abenza esigabeni semandebeleni ngesikhathi segukurahundi.
