Sekuqhamuke ukungezwani phakathi kwebandla leMDC lenhlanganiso ezizimeleyo phezo kohlelo lokudinga isisekelo sombuso welizwe. Phansi kwesivumelwano sokubumba uhulumende womanyano kumele amalunga edale lephalamende akhokhele loluhlelo okuyinto engafunwa zinhlanganiso ezizimeleo.
Lezi nhlanganiso zithi kumele loluhlelo lukhokhelwe nguzulu mathupha. Kuviki edluleyo enye yalezi nhlanganiso, inational constitutional assmebly ikhalale ukuya emhlanganweni obukhokhelwa yinhloko kahulumende, uMnu. Morgan Tsvangirai obuwenzelwe ukucubungula loludaba eHarare. Umgcinisihlalo wabasakhulayo kunhlanganiso ye nca, umnu. Alois Dzvairo utshele iStudio 7 ukuthi vele bona ababoni loluhlelo luphemelela nxa uhulumende engaguqulanga indlela oluqutshwa ngayo.
Kunjalo nje, omela isigaba seLupane edale lephalamende uMnu Njabuliso Mguni utshele iStudio 7 ukuthi imbono yenhlanganiso ezizimeleyo izahluzisiswa layo ukuze kungabi labakhononoya nxa isisekelo sombuso welizwe sesilotshwe kutsha.
