Ihofisi yenhloko kahulumende uMnumzana Morgan Tsvangirai ibika ukuthi uTsvangirai ukhangelelwe ukuphindela elizweni kusasa. UTsvangirai ukhangelelwe ukungena imihlangano ethize, kodwa kakaqalisi umsebenzi ngoba elokhe ephakathi kokukhalela inkosikazi yakhe ebhubhele engozini yemota amaviki amathathu adluleyo.
UBrenda Moyo Studio 7 ukhulume lomphathintambo obona ngokwenzakala ehofisini kaTsvangirai uMnumzana Gorden Moyo okhuluma ngokuphindela kuka Tsvangirai ekhaya kusasa. UMoyo uphatha njalo udaba lokuthi uhulumende womanyano usephumelele kukuphi lakuphi selokhe wabunjwayo.
