Ikhansili yako Bulawayo ithi isizatho sokuthi idolobho leli alihlukuluzwanga kakhulu ngumkhuhlane we cholera yikuthi laqiniseka ngokwala ukuthi IZINWA iyithathele inhlelo zayo zamanzi.
Umqondisi wezempilakahle kulelidolobho, uDokotela Zanele Hwalima, ubikwa esithi umkhuhlane lo wabulala abantu abalitshumi lesitshiyangalombili kulelidolobho, okulinani eliphansi kakhulu nxa liqathaniswa lamanye amadolobho agoqela o Harare, Chitungwiza le Kadoma.
Inhlanganiso ye World Health Organisation yona ithi umkhuhlane we cholera usubulele abantu abedlula inkulungwane ezine, 4041.
Ikhansili ye Beitbridge, lapho icholera ebhahe khona layo ithi umkhuhlane lo ususehla.
USithandekile Mhlanga we studio 7 uxoxe loMnu. Abednico Bhebhe, omela iNkayi edale lephalamende, ositshela ngokwehla komkhuhlane lo kulesisigaba.
