Icele le MDC elikhokhelwa nguMnu. Arthur Mutambara, libe lomhlangano lentathelizindaba ngoMvulo eHarare lapho uMnu. Mutambara othe balusizi kakhulu ngemfa kaNkosikazi Susan Tsvangirai.
Lokhu kwenzakala abantu emhlabeni jikelele besethulela imuli kaMnu. Morgan Tsvangirai amazwi enduduzo ngokubhubha kuka Nkosikazi wakhe.
Umsekeli wesikhulumi salelicele, uMnu. Renson Gasela utshele uSithandekile Mhlanga we Studio 7 ukuthi baqale bathi gwaqa njenge National council ngoMvulo, andubane babize intathelizindaba ukuzitshela abakade bekuhlafuna.
Izakhamizi zakoBulawayo seziveze ukukhathazeka lobuhlungu ngokufa kuka Nkosikazi Susan Tsvangirai, obe ngumkahloko kahulumende uMnu. Morgan Tsvangirai besithi ubengumama olomusa lozwelo kanti njalo bekukunengi okuhle abesazakwenzela isizwe. UThabang Mathebula usethulela lolu daba.
