Ukuxega kukahulumende womanyano kuqhubekela phambili ngemva kokubana uMongameli Mugabe ethe kasoze abuyele muva ngokukhetha onobhala babaphathintambo. Inkokheli yamacele eMDC womabili ithi okwenziwe nguMugabe yikwephula isivumelwano sikahulumende womanyano lo.
UMugabe njalo uthe kuzaba lokhetho ngemva kweminyaka emibili. Uthe lokhu kuzenziwa ngemva kokulotshwa kwesisekelo sombuso welizwe ngemva kokubonisana lozulu kuhlelo lwe referendum. Ingcwethi kwezombusazwe zithi ukuphikisana kukaMugabe lenhloko kahulumende, uMnu. Morgan Tsvangirai kuzabangela ukuthi amazwe omhlaba ehluleke ukuphathisa ele zimbabwe.
Umphathintambo wezenzakala emawhofisini kaMnu. Tsvangirai, uMnu. Gorden Moyo utshele uChris Gande weStudio 7 ukuthi uMongameli Mugabe, uTsvangirai loMutambara bahlangene lamuhla behluza loludaba kunye lezinye.
