Ingcwethi kwezempilakahle zithi umkhuhlane wecholera uzaqhubeka umemetheka nxa abantu belokhe bengatholiswa amanzi ahlanzekileyo, kungakalungisiswa lodaba lokudubuka kwezititshi ezithwala ingcekeza emadolobheni.
Ingcwethi lezi zitsho lokho ngesikhathi inhlanganiso ebona ngezempilakahle emhlabeni jikelele eye World Health Organisation isithi abantu asebebulewe ngumkhuhlane lo sebesedlula i 75 thousand sebeyi 75 789 kuthi asebebulewe yiwo sebesedlula i 3 thousand sebefike ku 3 612.
UBrenda Moyo weStudio 7 ukhulume lodokotela Samukeliso Dube othi nxa kungalungisiswanga imbangela yomkhuhlane wecholera kutsho ukuthi uzaqhubeka umemetheka.
