Unobhala jikelele wenhlanganiso yeUnited Nations uMnumzana Ban Ki Moon wamukele ngenjabulo ukugcotshwa kukaMnumzana Morgan Tsvangirai njenge nhloko kahulumende yeZimbabwe izolo. Umnumzana Ban ukhuthaze uhulumende omutsha lo ukuthi ahle aphangise ukulungisisa umnotho kanye lendubeko ezibhekane lozulu.
Umanyano we European Union lawo wenzele uTsvangirai amhlophe wathi lokhu kuyinto enhle nxa uTsvangirai ezaphiwa amandla okuguqula izinto elizweni. Uzulu weZimbabwe usehle ekhangelele inguquko masinyane eselandela njalo izithembiso zikaTsvangirai ezigoqela ukuholisa izisebenzi zikahulumende ngemali yakwamanye amazwe.
Ukuhlaziya ukuthi kambe uhulumende lo uzaphumelela na sixhume umfundisi Nicholas Mukaronda osebenzela inhlanganiso elwela ilungelo loluntu, eye Solidarity Peace Trust, lomsekeli wesikhulumi secele leMDC elikhokhelwa nguMnumzana Morgan Tsvangirai uNkosazana Thabitha Khumalo.
UNkosazana Khumalo uthi bakhangelele ukuguqula izinto impilo kazulu ibelula, laloba lo kungumthwalo onzima.
