Amagqwetha amela abasekeli becele leMDC elikhokhelwa nguMnu. Morgan Tsvangirai abathunjwayo banyamalala okwesikhathi eside bazobonakala kumaviki amathathu edluleyo aveze amagama abantu abathumba laba bantu emthethwandaba.
Abantu laba sebesetheswa icala lokubhomba inkamba zamapholisa lenjanji. Abasekeli beMDC laba bagoqela Omnumzana Chris Dlamini, Ghandi Mudzingwa, owayesebenza emahofisini kaMnumzana Morgan Tsvangirai, umfowabo wegqwetha, uMnumzana Harrison Nkomo uMnumzana Zaccharia Nkomo lentathelizindaba uShadreck Manyere bafake isicelo sokuthi baphiwe ithuba lokuyelatshwa ngodokotela.
UChris Gande weStudio 7 uxoxe lentathelizindaba yethu uMark Peter Nthambe obesemthethwandaba.
