Umnyaka omutsha suqalisile nje, impilo kazulu jikelele ibikwa iqhubeka isiba nzima kubangelwa yikubhidlika komnotho welizwe, khona okubangelwe yikungahlaliseki kwezombusazwe.
Inengi lithi alikhangelelanga nguquko kudaba lokuqonga kwentengo yezinto esezithengiswa ngemali yakwamanye amazwe egoqela i Rand, Pula le US Dollar, kodwa izisebenzi ziholiswa ngemali yeZimbabwe, ebikwa ingasathengi loba isigqoko sangaphansi.
UBrenda Moyo weStudio7 uxoxe lentathelizindaba yako Bulawayo uJonah Nyoni yena othi izitolo ezithengisa ngemali yeZimbabwe zixotsha abathengi ngoba zithengisa ngentengo engeneliswa ngitsho langubani.
