Ibhanga elikhulu lelizwe ele Reserve Bank of Zimbabwe lamhlanje lethule imali entsha i$200 le $500 Million laphinda lengezelelela imali esingathathwa nguzulu emabhanga. Uzulu usesenelisa ukuthatha i $500 Million ngeviki isuka ku $100 Million.
Lelinyathelo likhanya lingancedanga lutho
ngoba indwendwe ziqhubeke lokhu zizinde emabhanga abanengi beswela limali.
Kwamanye amadolobho kubikwa kuqhamuke udlakela kwamanye amabhanga kwaze kwabizwa amapholisa
lamasotsha ukuzaletha ukuthula. Izinto ezitolo lazo zihle zakhwela
okwesabekayo.Inthathelizindaba YeStudio7 Ubhodabhode edolobheni lakoBulawayo waqoqa loludaba.
Kunjalo nje ingcwethi kwezenotho uMnumzana Rejoice Ngwenya utshele uBrenda Moyo weStudio 7 ukuthi leHarare lakho bekuyisiminye minye emabhanga kodwa abantu abaye khona ekuseni bayitholile imali entsha le.UNgwenya uthi lakhonale intengo yezinto ihle yaqonga okuphindwe kanengi nengi.
Ezinye Indaba ZeStudio7....
