Umkhokheli welinye lamacele eMDC uMnu Arthur Mutambara lamuhla ukhuthaze ukuthi kubunjwe uhulumende womanyano eZimbabwe ngokuphangisa kulungisiswe zonke indubo uzulu abhekane lazo.
Inkuthazo le uyethule emhlanganweni lentatheli ngemva kokwethekelela izigulane eziphethwe ngumkhuhlane wecholera ekiliniki yemzini weBudiriro eHarare. elizweni, kubika intatheli yethu uThomas Chiripasi.
Ngakolunye uhlangothi, uMnu Morgan Tsvangirai, yena okhokhela elinye lamacele eMDC utshele iStudio 7 ukuthi ibandla lakhe kalisoze lingene kuhulumende womanyano izikhalazo zalo zonke zingalungisiswanga.
Ekhuluma eseBotswana, uTsvangirai uphinde wasola ukuthunjwa lokuhlukuluzwa kwabantu esithi lokhu kwenziwa nguhulumende kaMongameli Mugabe. Ebuzwa yiStudio 7 ukuthi uzabuyela nini ekhaya njengoba selesikhathi engekho elizweni, uTsvangirai uphe impendulo elakho ukutshiya abanengi bemangele.
Uthe yena eZimbabwe uzabuyela nxa uhulumende kaMugabe engamupha incwadi yakhe yokuhambisa, i passport.
Ingcwethi ecubungula ezombusazwe unMu Gorden Moyo ugcizelele amazwi kaTsvangirai esithi kamelanga evume ukubanjwa ngamandla ukuthi engene kuhulumende womanyano izikhalazo zakhe zingalungisiswanga.
