Inhlanganiso elwela ilungelo lezisebenzi, iZCTU, ithi kusasa wonke umuntu olemali ebhanga ukhathazwa ukuthi ayeyithatha yonke kungela kwabelwa libhanga njengendlela yokutshengisela. Idale elimqoka lalinhlanganiso, iNational Executive Council, livumelene ukuthi kumele ibhanga lesizwe, ele Reserve Bank libanjwe ngamandla ukuthi lingasabeli inani lemali engathathwa ngelanga. Lokhu kwenzkala nje lelibhanga lithe kusukela ngolwesine uzulu uzavunyelwa ukuthatha imali efika $100 million ngeviki kusukela ku $500 000 ngelanga.
Inhlanganiso ezinengi ezizimeleyo ezifana labo Crisis in Zimbabwe Coalition, CHRA leNCA zithe zizamanyana leZCTU ekutshengiseleni lokhu okuzenziwa elizweni lonke. I NCA ebithe izatshengisela kusasa ngenjeongo yayo yokubunjwa kwesisekelo selizwe esitsha ithe isizamisa ukutshengisela kwayo njengendlela yokusekela izctu. UMnu. Japhet Moyo ngumskeli kanobhala jikelele weZCTU. UChris Gande weStudio 7 uqale ngokumbuza ukuthi kanti njengo imali isilela emabhanga izavela ngaphi nxa besithi kayithathwe yonke.
