Umkhuhlane we sihudo, owe cholera ubikwa lokhu uqhela elizweni loba nje uhulumende lenhlanganiso ezizimeleyo besithi benza konke okusemandleni abo ukulwisana lawo.
UDokotela Jabulani Ndlovu, isiphathamandla sikahulumende esibona ngezempilakahle e Matabeleland South, ubikwa esithi umkhuhlane lo usumisiwe e Beitbridge.
Inhlanganiso ye International Organisation for Migration leye M
edicines Sans Frontiers
zibikwa zakhe amatende kulelidolobho lapho abantu abahlolwa njalo belatshwe khona.
Kodwa ukhansila Tambudzayi Ncube ka ward 3 e Beitbridge, ekucele le MDC elikhokhelwa nguMnu. Morgan Tsvangirai, utshele uSithandekile Mhlanga we studio 7 ukuthi umkhuhlane lo ulokhu uqhela ngoba bebanengi abantu abalokhu besiwa esibhedlela ngenxa yawo.
