Idale elikhulu lecele leMDC elikhokhelwa nguMnu Morgan Tsvangirai lizahlangana kusasa lihlaziya izinqumo zeSadc eziphume emhlanganweni oqhutshelwe eSouth Africa ngeSonto, lokuthi liqhubekele phambili njani njengoba lisithi kalisoze lingene kuhulumende leZanu PF lingaphiwanga ingatsha ezimqoka zedale lecabinet.
ISadc inqume kulumhlangano ukuthi icele likaTsvangirai lebandla leZanu PF kumele
afake umuntu ngabandla abazabambisana kugatsha lwendaba zaphakathi kwelize iHome Affairs kube
labaphathintambo abalili.
U Tsvangirai ukwalile lokhu, wala njalo ukupha uMugabe amabizo amalunga ecele lekhe amele anikwe izikhundla zecabinet. Kodwa icele leMDC elikhokhelwa nguMnu Arthur Mutambara lithi amabandla womathathu kumele ahlale phansi wodwa axazulule udaba lwezikhundla lolu.
IMDC kaTsvangirai siveze ukuthi ilakho ukukhweza udaba lolu kunhlanganiso yeAfrican Union (AU). Kodwa umsekeli wesikhulumi salelicele uMnu Renson Gasela uthi kaboni loludaba ludluliselwa ku AU ngoba linhlanganiso izakuma ngalokhu okunqunywe yiSadc.
Ingcwethi ecubungula ezombusazwe uMnu
Walter Nsununguli Mbongolwane utshele uBrenda Moyo weStudio 7 ukuthi izikhundla ezimqoka kumele zabiwe ngokulinganayo ngendlela esuthisa amabandla womabili.
Ezinye Indaba ZeStudio7...
