Umongameli Robert Mugabe laye usemanyane lenkokheli yamanye amazwe omhlaba ukwenzela uMnumzana Barack Obama amhlophe ngokukhethwa ukuba ngumongameli weMelika. Umongameli Mugabe Uthe Ukhangelele Ubudlelwano Obuhle Lohulumende kaObama.
Kunjalo nje ingcwethi ezicubungula ezombusazwe ziyavumelana ukuthi ukuthatha kukaMnumzana Obama intambo zombuso eMelika kutsho okunengi ebantwini abehlukeneyo. Abanye ngasebekhangelele ukuthi impilo zabo sezizaguquka masinyane kungakhathalekile ukuthi umuntu uhlala kuliphi ilizwe.
Kodwa ingcwethi zithi lakweleMelika lapho
izizalwane zalelilizwe ezivotele uObama inguquko ayikho eduzane, ngoba leli
lizwelibhekane lobunzima obukhulu,
kundaba zomnotho, impi emazweni agoqela i Iraq le Afghanistan, lokungahlaliseki
nje kwezinye indaba kulelilizwe. namhlanje sixhume njalo ingcwethi ezicubungula
ezombusazwe uMnu Arthur Molife loMnu Bekithemba Mhlanga behlaziya okunye
okungaphazamisa uObama ekubuseni kwakhe iMelika
Kunjalo nje umlaleli weStudio 7 ongumkhokheli wohlangothi lwabasakhulayo kucele leMDC elikhokhelwa nguMnumzana Arthur Mutambara uEllen Shiriyedenga uthi abasakhulayo bajabulele kakhulu ukukhethwa kukaMnumzana Obama ukuba ngumongameli weMelika.
